Ráðstefna Þjóðarspegilsins verður haldin 31. október og 1. nóvember

Ráðstefna Þjóðarspegilsins er vettvangur fyrir virkt samtal við samfélagið utan veggja háskólanna. Hún veitir fræðafólki, sérfræðingum og öðrum tækifæri til að deila þekkingu, læra hvert af öðru, efla fagleg tengsl og samstarf á sviði félagsvísinda.

Ráðstefnan hefst fimmtudaginn 31. október með opnunarerindi og pallborði en föstudaginn 1. nóvember hefjast svo hefðbundnar málstofur. Ráðstefnan er haldin í húsakynnum Háskóla Íslands , hún er opin öllum sem hafa áhuga á félagsvísindum og er þátttakendum og öðrum áhugasömum að kostnaðarlausu.

Senda inn ágrip

Tekið verður á móti innsendum ágripum frá 6. ágúst – 5. september 2024. Athugið að þegar aðgangur er stofnaður þarf að skrá netfang sem notað verður í öllum samskiptum og upplýsingagjöf.

Sérmálstofur

Rannsóknarhópar og aðrir sem vilja vera saman í málstofu geta óskað eftir að taka þátt í sérmálstofu sem eru fyrir fram skipulagðar af hópnum. Hver og einn sendir inn sitt ágrip og fylgir leiðbeiningum í umsóknarkerfinu. Þ.e. viðkomandi hakar við ,,sérmálstofu“ undir liðnum Efnisflokkar og skrifar svo heiti sérmálstofunnar hjá næstu spurningu. Skipuleggjendur ráðstefnunnar geta, ef ástæða er til, bætt erindum í sérmalstofur.

Mikilvægar dagsetningar:

Ef þú hefur einhverjar fyrirspurnir er varða ráðstefnuna má senda tölvupóst á okkur thjodarspegillinn@hi.is